Президент администрацияси раҳбари Саида Мирзиёеванинг маслаҳатчиси Комил Алламжонов АҚШ ҳукуматига ўзбекистонликлар учун 10 йиллик визалар жорий этишни таклиф қилди. Бу ҳақда у X (собиқ Twitter) ижтимоий тармоғида ёзди.
3 ноябрь куни Комил Алламжонов Х’даги саҳифасида Ўзбекистон 2026 йилдан бошлаб АҚШ фуқаролари учун визаларни бекор қилиши ҳақидаги хабарни улашган .
АҚШ давлат котибининг биринчи ўринбосари Кристофер Ландау унинг мазкур хабарига изоҳ ёзиб, визасиз режимнинг жорий этилишини ижобий баҳолади.
“Бу Ўзбекистоннинг Америка сайёҳлари учун ғоят катта имкониятларини очиб бериши керак бўлган ажойиб янгиликдир”, деб ёзган Кристофер Ландау.
Бунга жавобан Комил Алламжонов сўнгги учрашувда Кристофер Ландау ва АҚШ президентининг Жанубий ва Марказий Осиё бўйича махсус вакили Сержио Гор америкаликлар учун визаларни бекор қилиш масаласини кўтарганини таъкидлади.
“Ўзбекистонэнди Қўшма Штатлардан келган сайёҳлар учун очиқ — хуш келибсиз! B1/B2 визаларининг амал қилиш муддатини 1 йилдан 10 йилгача узайтириш Ўзбекистон ва АҚШўртасидагиалоқаларниянадамустаҳкамлашйўлидагимуҳимқадамбўлади”, деб ёзди Алламжонов.
“Марказий Осиё ва АҚШ ўзаро муҳокама қиладиган мавзулар кўплигига ишончим комил. Қўшма Штатлар ва Марказий Осиё мамлакатлари ўз миллий манфаатларидан келиб чиққан ҳолда бир-бирига кўп нарсани таклиф қилиши ва бир-биридан кўп фойда олиши мумкин. Биз шунчаки бошлашимиз керак — ва айнан шу нарса содир бўлмоқда, бу мени жуда хурсанд қилади”, дея қўшимча қилган Алламжонов.
Ўзбекистонда АҚШ фуқаролари учун визасиз режим жорий этилди. Бу ҳақда президентнинг тегишли фармони қабул қилинди. Унга кўра, 2026 йил 1 январдан бошлаб АҚШ фуқаролари учун Ўзбекистон ҳудудига кирган кундан бошлаб 30 кунгача муддатга визасиз режим белгиланади.
