Буюк Британиянинг Times Higher Education халқаро рейтинг ташкилоти 2026 йил учун фанлар бўйича энг нуфузли олийгоҳлар рўйхатини эълон қилди.
Қайд этилишича, бу рўйхатдан 4 та Ўзбекистон олий таълим муассасаси, жумладан, Ислом Каримов номидаги Тошкент давлат техника университети илк маротаба фан рейтингидан жой олган.
Рейтингга кирган ОТМлар ва натижалар қуйидагича:
- ТИҚХММИ Миллий тадқиқот университетининг табиий фанлар, математика ва статистика — 301-400, шунингдек, муҳандислик фанлари бўйича — 401-500;
- Ўзбекистон миллий университетининг табиий фанлар, математика ва статистика фанлари бўйича — 801-1000;
- Тошкент давлат техника университетининг табиий фанлар, математика ва статистика — 501-600, шунингдек, муҳандислик фанлари бўйича — 801-1000;
- Тошкент ахборот технологиялари университетининг таълим — 601-800, муҳандислик — 801-1000, компьютер илмлари ва дастурлаш фанлари бўйича — 1001 дан кейинги ўринларда қайд этилди.
Times Higher Education фанлар бўйича жаҳон университетларини 11 та асосий йўналиш, 148 та фан кесимида баҳолайди.
Ушбу рейтингга ўтган йилда Ўзбекистоннинг 3 та олий таълим ташкилоти илк маротаба кирганди.
Аввалроқ Ўзбекистоннинг 38 та олийгоҳи дунёнинг топ 1000 талик “яшил” ОТМлари рейтингига киритилганди.
Фанлараро тадқиқотлар бўйича эса 6 та университет халқаро рейтингда энг яхши 500 таликдан жой олган. Унда 94 мамлакатдан 1 267 та олий таълим муассасаси иштирок этган.
