Ўзбекистонлик олимлар экологик хавфсиз плёнка олишнинг янги усулини ишлаб чиқди. Бу ҳақда Фанлар академияси ахборот хизмати хабар қилди.
Қайд этилишича, маҳаллий ўсимликларнинг сувда эрувчи полисахаридлари асосида олинадиган биопарчаланадиган плёнкалар синтетик полиэтилен плёнкаларга ўхшаш бўлса-да, табиат учун хавфсиз.
Улар тупроқ ва сув муҳитида осон парчаланиб, атроф-муҳитга зарар етказмайди. Ушбу маҳсулот озиқ-овқат ва фармацевтика саноатида қўллаш учун истиқболли бўлиб, пластик чиқиндилар муаммосини камайтиришда ёрдам бериши мумкин.
