Туркияда қўлга олинган халқаро қидирувдаги шахс Ўзбекистонга қайтарилди. Бу ҳақда Истанбулдаги Бош консулхона матбуот хизмати хабар берди.
Маълум қилинишича, С.А. ажратилган кредит маблағини ўзлаштириш ва растрата қилиш йўли билан талон-торож қилиб, давлат бюджетига жами 5 миллиард сўм миқдорида зарар етказганликда гумон қилинмоқда. У Ўзбекистон Жиноят кодексининг 167-моддаси 3-қисми (жуда кўп миқдорда ўзлаштириш ёки растрата йўли билан талон-торож қилиш) билан халқаро қидирувга берилган.
Икки давлат ҳуқуқни муҳофаза қилувчи органлар ҳамкорлиги натижасида у қўлга олинди. Мазкур шахс тегишли тергов ва процессуал ҳаракатларни давом эттириш учун Ўзбекистоннинг ваколатли органларига топширилди.
