Hyundai Rotem Ўзбекистонга юқори тезликдаги поездларининг биринчи партиясини жўнатди, деб хабар бермоқда Транспорт вазирлиги.
Жанубий Кореянинг Чангвон шаҳридаги Масан портида Ўзбекистон учун ишлаб чиқарилган Hyundai Rotem юқори тезликдаги поездлари биринчи партиясини расмий жўнатиш маросими бўлиб отди.
Маросимда Ўзбекистон бош вазири ўринбосари Жамшид Ходжаев бошчилигидаги мамлакат делегацияси, Корея ҳукумати вакиллари ва Hyundai Rotem раҳбарлари иштирок этди.
“Жалолиддин Мангуберди” номи берилган Ўзбекистоннинг янги юқори тезликдаги темир йўл паркининг биринчи поезди Hyundai Rotem томонидан Ўзбекистон темир йўллари билан 2024 йил июнь ойида имзоланган шартнома доирасида ишлаб чиқарилди.
Транспорт вазири Илҳом Маҳкамов Жанубий Кореянинг Hyundai Rotem компаниясидан 6 та тезюрар ҳаракат таркиби сотиб олинишини айтганди. Уларнинг илк партияси 2025-йилнинг декабридан Ўзбекистонга кела бошлаши хабар қилинганди. Ушбу поездлардан биринчиси келгуси йилда Тошкент—Урганч—Хива йўналишида қатновга қўйилади. Бу орқали йўналишда йўл вақти ҳозирги 14 соатдан 7,5 соатгача қисқариши кутилмоқда.
