Криштиану Роналдунинг даромади 2 миллиард доллардан ошди. Forbes нашрининг янгиланган ҳисоботида Роналду ҳали фаолиятини якунламасдан туриб бундай кўрсаткичга эришган биринчи спортчи сифатида қайд этилди.
41 ёшли футболчининг умумий даромади 2,1 миллиард долларни ташкил этмоқда.
Шундан:
- 1,4 млрд доллар — майдондаги фаолият (клублардаги маошлари ва бонуслар);
- 700 млн доллар — майдондан ташқаридаги даромадлар (реклама шартномалари ва шахсий бизнес).
Жорий мавсумда футболчининг умумий даромади 300 миллион долларни ташкил этиши кутилмоқда. Бу маблағнинг 250 миллион доллари «Ал-Наср» клуби томонидан кафолатланган маош ва бонуслар, қолган 50 миллион доллари Nike, Binance каби брендлар билан ҳамкорлик ҳамда Whoop ва Perplexity компанияларига киритилган инвестициялардан келадиган фойдадир.
