Португалиялик футбол юлдузи, беш карра “Олтин тўп” соҳиби Криштиану Роналду ёзги трансфер ойнасида “Ал‑Ҳилол”га ўтиши мумкин. Бу ҳақда “TransferFeed” нашри хабар берди.
Манбага кўра, Роналду норозиликлардан сўнг “Ал-Наср” машғулотларига қайтган ва ҳатто битта ўйинда майдонга тушган бўлишига қарамай, португалиялик юлдуз ҳамон клубни тарк этиш ниятида. Бунга клуб раҳбарияти билан юзага келган зиддиятлар сабаб бўлаётгани айтилмоқда.
Манбанинг айтишича, Роналду Саудия Арабистонини бутунлай тарк этмаслиги ҳам мумкин. У мамлакат чемпионати етакчиларидан бири – “Ал‑Ҳилол”га ўтиши эҳтимоли бор. Агар трансфер амалга ошса, португалиялик футболчи “Реал Мадрид”даги собиқ жамоадошлари Карим Бензема ва Тео Эрнандес, шунингдек, ватандоши Рубен Невес билан яна бир жамоада тўп суриши мумкин.
Шунингдек, ушбу эҳтимолий трансфер амалга ошса, футболчининг оиласи Ар‑Риёдда яшашда давом этиши ҳам айтилмоқда.
