Тошкентда юк машинаси билан тўқнашган велосипедчи ҳалок бўлди. Бу ҳақда ИИББ ЙҲХБ ахборот хизмати хабар берди.
Қайд этилишича, 15 февраль куни соат 18:00 ларда Чилонзор тумани ТҲАЙ—Чорбоғ кўчалари кесишган чорраҳада 1969-йилда туғилган Ю.А. бошқарувида бўлган юк автомобильи бир йўналишда ҳаракатланиб кетаётган 2004-йилда туғилган А.И. бошқарувидаги велосипед билан тўқнашиши оқибатида ЙТҲ содир бўлган.
Автоҳалокат оқибатида велосипед ҳайдовчиси олган тан жароҳатлари туфайли вафот этган.
Ҳолат юзасидан жиноят иши очилиб, тергов ўтказилмоқда.
