Бугун, 26 март куни Тошкент шаҳрида жойлашган қурилиш моллари дўконида ёнғин содир бўлди. Бу ҳақда Фавқулодда вазиятлар вазирлиги хабар берди.
Қайд этилишича, соат 18:15 да ФВББга Юнусобод тумани ТХАЙ кўчасида жойлашган қурилиш моллари сотиладиган дўконда ёнғин келиб чиққанлиги тўғрисида хабар тушган. Хабарга асосан воқеа жойига қутқарув экипажлари соат 18:24 да етиб борган. Ёнғин 18:36 да қуршаб олинган ва 18:42 да ўчирилган.
Билдирилишича, вазият тўлиқ назоратга олинган. Жабрланганлар йўқ. Ҳолат бўйича қўшимча маълумот берилади.
