More stories
Самарқанд вилоятининг Пастдарғом туманида алимент тўламагани учун 15 суткага қамалган эрнинг турмуш ўртоғи қарзларни ўзи тўлаб, уни қамоқдан чиқариб олди. Бу ҳақда Мажбурий ижро бюроси вилоят бошқармаси катта инспектори Жалолиддин Шербоев хабар берди.
Маълум қилинишича, аёл бир хонадонда истиқомат қиладиган оилада суд тартибида алимент ундирган. Навбатдаги жанжалдан кейин эр алимент тўланмагани учун 15 суткага маъмурий қамоқ жазосига тортилган.
Турмуш ўртоғисиз рўзғор юритиш мушкуллашгач, аёл алимент бўйича қарздорликни ўзи тўлиқ тўлаб берган ва бешинчи куниёқ судга мурожаат қилган. Суд қарорни бекор қилиб, эр озодликка чиқарилган.
Ҳозирги пайтда томонлар ярашгани, болалар тарбияси билан банд экани маълум қилинган.
