Қорақалпоғистонда 10 ойда қанча шахс ва мол-мулк қидирувга берилгани маълум қилинди. Бу ҳақда Бош прокуратура матбуот хизмати хабар берди.
Қайд этилишича, МИБ бўлимлари томонидан ҳудудда қарздор деб топилган 614 нафар шахсга нисбатан қидирув эълон қилинган. Шундан жами 306 нафари излаб топилган.
Шу билан бирга, алиментдан қарзи бўлган 233 нафар фуқаро суд ҳужжати иш юритувга қабул қилинишидан аввал чет элга чиқиб кетгани маълум қилинди. Уларга нисбатан халқаро қидирув амалга ошириш бўйича сўровлар юборилган.
Қидирувга берилган автомобильларни излаб топишга қаратилган тадбирларда октябрь ойида 68 та автомашина вақтинчалик сақлаш учун жарима майдонига жойлаштирилган.
