Қаҳрамонжон Олимов “Анорбанк” кузатув кенгаши таркибидан чиқиш тўғрисида ариза берди. Бу ҳақда банк матбуот хизмати хабар берди.Маълум қилинишича, у аризани 2 октябрь куни берган бўлиб, уни банк кузатув кенгаши таркибидан чиқариш масаласи 28 октябрь куни аксиядорларнинг умумий йиғилишида кўриб чиқилади.
Банк ахборотида келтирилишича, капитални ошириш режасининг амалга оширилиши эндиликда алоҳида аксиядор билан боғлиқ ҳолатларга боғлиқ бўлмаслиги керак. Айни вақтда банк қўшимча эмиссияни амалга ошириш ва капитални амалда ошириш учун қонунчилик ҳамда корпоратив тартиб-таомилларда назарда тутилган зарур босқичларни амалга оширмоқда. Банк одатдаги режимда фаолият юритишда, мижозлар олдидаги мажбуриятларини бажаришда ва барча асосий банк хизматларининг ишлашини таъминлашда давом этмоқда.
