Жорий йилнинг 9 июнь куни Самарқанд вилоятининг Пахтачи туманида Damas ва юк автомобили иштирокида йўл-транспорт ҳодисаси содир бўлди. Бу ҳақда Йўл ҳаракати хавфсизлиги хизмати хабар берди.
Маълум қилинишича, ҳодиса соат 18:10 лар атрофида Самарқанд вилоятининг Пахтачи туманидаги Мирза Олим МФЙ ҳудудидан ўтувчи М-37 автомобиль йўлининг 138-километрида содир бўлган. 1991 йилда туғилган ҳайдовчи А.Р. Damas русумли автомобилни бошқариб кетаётиб, ўзидан олдинда кетаётган транспорт воситаларини қувиб ўтиш мақсадида асфальт қопламаси мавжуд бўлмаган йўл четидан ҳаракатланган. Оқибатда ҳайдовчи транспорт воситаси бошқарувни йўқотиб, ўзи билан бир йўналишда ҳаракатланиб кетаётган юк автомобилининг орқа қисмига бориб тўқнашган.
ЙТҲ оқибатида Damas автомобили ҳайдовчиси тан жароҳатлари билан шифохонага етказилган. Мазкур ҳолат юзасидан Пахтачи тумани ЙҲХБ масъул ходимлари томонидан суриштирув ҳаракатлари олиб борилмоқда.
