Каталониянинг “Барселона” клуби вингери Рафинья Диас фаолиятини Англия Премьер Лигасида давом эттириши мумкин. Fichajes нашрининг хабарига кўра, “Ливерпуль” бразилиялик футболчи ўз сафига қўшиб олишни истамоқда.
Манбанинг ёзишича, мерсисайдликлар 2026-йилнинг ёзида Рафинья учун 100 миллион евро таклиф қилишни мўлжалламоқда. “Ливерпуль” раҳбарияти 28 ёшли футболчини Саудия Арабистонига кетишни мўлжаллаётган Муҳаммад Салоҳга муносиб ўринбосар сифатида кўрмоқда. Мерсисайдликлар раҳбарияти Рафиньянинг ўйинини таҳлил қилиб чиқди: унинг дриблинги, тезлиги ва голни якунлаш қобилияти Салоҳдан кейинги бўшлиқни тўлдиради.
Қолаверса, бразилиялик вингернинг Англия Премьер Лигасида ўйнаш тажрибаси ҳам қўл келиши мумкин. Чунки Рафинья 2022-йилдан 2022-йилга қадар “Лидс” сафида ўйнаган.
Агар “Ливерпуль” 100 миллион евро таклиф қилса, “Барселона” музокара бошлашга тайёр. Сабаби унинг трансферидан тушган сумма каталонияликларнинг молиявий ҳолатини яхшилашга ёрдам бериши мумкин.
