Самарқанд вилоятида фермер хўжалигига қарашли 5,1 гектар ер майдонини 60 000 АҚШ долларига сотишни кўзлаган шахс ушланди. Бу ҳақда Бош прокуратура хабар берди.
Қайд этилишича, Самарқанд вилояти Ички Ишлар бошқармаси жиноят қидирув бошқармаси ер ресурсларининг талон-торож қилинишига қарши курашиш бўлинмасига маҳаллий фуқаро томонидан ариза келиб тушган.
Мурожаатга асосан вилоят прокуратураси ва бошқа ҳуқуқни муҳофаза қилувчи органлар билан ҳамкорликда тезкор тадбир ўтказилган. Унда ариза муаллифи гумонланувчига Тайлоқ тумани, “Таллиота” маҳалла фуқаролар йиғини ҳудудида жойлашган “B.B” фермер хўжалигига қарашли 5,1 гектар суғориладиган ер майдонини 60 000 АҚШ долларига сотишини ва келгусида мансабдор танишлари орқали ҳужжатларини расмийлаштириб беришини айтган. Шундан сўнг гумонланувчи келишилган пул ҳисобидан бўнак тариқасида 30 000 АҚШ долларини олган вақтида ашёвий далиллар билан ушланган.
Ҳозирда мазкур ҳолат юзасидан Жиноят кодексининг 25,168-моддаси (фирибгарлик) 4-қисми “а” банди билан жиноят иши қўзғатилган. Дастлабки тергов ҳаракатлари олиб борилмоқда.
