Тошкентнинг Олмазор туманидаги “Ғалаба боғи”га кириш ватинча чекланади. Бу ҳақда Мудофаа вазирлиги ҳузуридаги “Ғалаба боғи” ёдгорлик мажмуаси маъмурияти хабар берди.
Ушбу ёдгорлик мажмуасида 9 май — Хотира ва қадрлаш кунига муносиб тайёргарлик кўриш мақсадида унинг таркибидаги “Шон-шараф” давлат музейига янги экспозицияларни жойлаштириш ҳамда мажмуа ҳудудида тозалаш ва дезинфексия ишлари олиб борилиши режалаштирилган.
Шу муносабат билан 25 апрелдан 1 майгача “Шон-шараф” давлат музейига ташриф буюрувчилар учун кириш тўхтатилади. Бу кунлари “Ғалаба боғи” ёдгорлик мажмуаси ҳудудига кириш мумкин бўлади.
6—8 май кунлари эса “Ғалаба боғи” ёдгорлик мажмуаси ва унинг таркибидаги “Шон-шараф” давлат музейига кириш ташриф буюрувчилар учун вақтинча тўхтатилади.
