Тошкент шаҳар ҳокимлиги пойтахтда қачондан иссиқлик таъминоти ишга туширилишини маълум қилди.
Қайд этилишича, метеорология хизмати маълумотларига мувофиқ пойтахтда марказлашган иссиқлик таъминоти ижтимоий объектларда 2025 йил 3 ноябрдан, турар жой объектларида эса 5 ноябрдан йўлга қўйилади.
Тураржой ёки бошқа муассасаларда иссиқлик таъминоти ёқилиш жараёнида бирор муаммо ёки иссиқлик етказиб берувчи масъуллар ишларни тўлақонли амалга оширмаётганлиги ҳолатида 1055, 71 210-01-87 рақамларига мурожаат қилиш сўралган.
Ўзбекистонда иситиш мавсумида табиий газ истеъмоли бўйича базавий меъёр 4 ойга 5 баробарга оширилиши маълум қилинганди. Бунда ноябрь—февраль ойларида ҳар бир ой учун 500 куб метргача, март—октябрда эса ҳар ой учун 100 куб метргача меъёр белгиланган.
