Пекинлик стартап Noetix Robotics оммавий истеъмол бозорига мўлжалланган гуманоид робот Bumi ни расмий равишда тақдим этди. Янги моделнинг нархи тахминан 1400 доллар(9998 юан). Бу ҳақда Теchnoda портали хабар берди.
Таққослаш учун: бу ҳозирги кунда Apple компаниясининг асосий iPhone 17 смартфонининг нархига тенг ва Pro версиясига қараганда анча арзон (Apple’нинг Pro модели учун тахминан 2000 доллар , 17-iPhone Pro Max учун эса 2300 доллар атрофида).
Bumi уй шароитида фойдаланиш учун мўлжалланган: у таълимда ёрдам беради, оила билан мулоқот қилади ва дастурлашни ўргатади. Роботнинг бўйи 94 см, вазни эса атиги 12 кг. Буми патентланган алгоритмлар ёрдамида барқарор юриш ва ҳаракатларни бажариш қобилиятига эга. Бу алгоритмлар имитация ва мустаҳкамлаш орқали ўқитишни уйғунлаштиради.
YouTube’да робот тақдимотининг видеолари мавжуд, унда у фаол ва ажойиб рақс тушадиган ҳамроҳ сифатида кўрсатилган.
Ҳозирги кунда Хитой робототехника саноати янги, арзонроқ ва оммавий истеъмолчига мўлжалланган гуманоид роботлар ишлаб чиқаришга интилмоқда. Масалан, Унитрее Роботиcс июль охирида Р1 моделини 5628 доллар нархда тақдим этди — бу G1 моделига нисбатан тахминан 60% арзон.
Олдин Шанхай робототехника компанияси Fourier Robotics, GR-1 ва GR-2 моделларини яратган ва янги моделни “барча мавжуд гуманоид роботлар ичида энг жозибали” деб таърифлаган. Устувор эътибор роботнинг силлиқ чизиқлари, ҳаракатлари ва жуда ёқимли кўзларига қаратилган. Робот уйда, мактабда, касалхонада ва жамоат жойларида ишлатилиши мумкин. У интеграцияланган катта тил модели (LLМ) билан жиҳозланган бўлиб, фойдаланувчилар билан эркин мулоқот қила олади. Робот ҳамроҳ ёки парваришчи бот вазифаларини бажаради — масалан, қарияни кўчада ва жамоат жойларида кузатиб юриш ёки болани мактабга олиб бориш.
