Ислом Махачев UFC’да тарихий натижага эришди. Нью-Йоркда ўтказилган UFC 322 турнирида россиялик жангчи австралиялик Жек Делла Маддаленани мағлуб этиб, ярим ўрта вазн чемпионлик камарини қўлга киритди. Жанг беш раунд давом этди ва ҳакамлар бир овоздан Махачевнинг ғалабасини эълон қилди.
34 ёшли Махачев UFC’даги ғалабалар сериясини 16 тага етказди. Унинг промоушендаги ягона мағлубияти 2015-йилда Адриан Мартинсга қарши бўлган. У 2022-йилдан 2025-йилгача енгил вазн чемпионлик камарини сақлаб келган, май ойида эса ярим ўрта вазнга ўтган эди.
29 ёшли Маддалена эса UFC’даги илк мағлубиятини қабул қилди. Жанг олдидан унинг умумий серияси 18 та ғалабадан иборат бўлган эди. Махачев бу серияни тўхтатишга муваффақ бўлди.
Бу ғалаба Ислом Махачевни UFC тарихида икки вазн тоифасида чемпион бўлган илк россиялик жангчига айлантирди. У промоушен тарихида бундай натижага эришган 11-жангчи бўлди. Бунгача бундай ютуққа Конор Макгрегор, Жорж Сен-Пьер, Даниэль Корме, Amanda Нуньес, Алекс Перрейра ва яна бир нечта юлдузлар эришган.
