Ўзбекистон Европа чемпиони ва Жаҳон чемпионатида совриндор бўлган эга велоспортчини маҳаллийлаштирди. Бу ҳақда “Olamsport” нашри хабар берди. Манбага кўра, россиялик велоспортчи Сергей Ростовцев энди Ўзбекистон шарафини ҳимоя қилади.
Унинг Ўзбекистон терма жамоасидаги илк мусобақаси 7–11 январь кунлари Малайзиянинг Нилай шаҳрида ўтказиладиган велотрек бўйича ASEAN TRACK SERIES (President Cup) турнири бўлади.
28 ёшли Сергей Ростовцев 2025 йил якунигача Россия шарафини ҳимоя қилган. Спортчи фаолияти давомида велотрек бўйича Европа чемпионатида олтин, Жаҳон чемпионатида эса бронза медалига эга бўлган.
Малайзиядаги турнирда Ўзбекистон терма жамоаси таркиби қуйидагича бўлади:
Эркаклар:
- Сергей Ростовцев
- Владислав Троман
- Беҳзод Нурматов
- Даниил Фёдоров
Мурааббий: Йохан Дорнбуш
Аёллар:
- Асал Ризаева
- Нафосат Қозиева
Мурааббий: Олга Забелинская
Маълумот ўрнида, мазкур мусобақа жорий йилнинг март ойида Австралиянинг Перт шаҳрида бўлиб ўтадиган велотрек бўйича Жаҳон Кубогига саралаш босқичи ҳисобланади. Шунингдек, Жаҳон Кубоги босқичларида жамғарилган рейтинг очколари велотрек йўналиши бўйича октябрь ойида Хитойнинг Шанхай шаҳрида ўтказиладиган Жаҳон чемпионатига йўлланма олиш имконини беради.
