Кеча, 5 август куни Илон Маск компаниясининг 8700 км/соат тезликда ҳаракатланаётган ракетаси Ой юзасига бориб урилди. Бу ҳақда BBC хабар берди.
Нашр маълумотларига кўра, SpaceX ракетасининг парчаси коинотда 18 ойдан ортиқ вақт давомида парвоз қилгач, бугун Ойга қулаган. Кўплаб дунё ОАВлари ва олимлари ушбу жараённи тўғридан тўғри эфирда кузатиб борди.
Олимларнинг маълумотларига кўра, объект сониясига тахминан 2,43 км ёки соатига 8700 км тезликда ҳаракатланган.
“Ойга қулаган Falcon 9 ракетасининг тахминий қисми – бу тахминан беш қаватли бино катталигидаги юқори босқич (Ерга қўниш учун қайтиб тушмайдиган қисми)дир.
Ой юзасига урилиш 2025 йил январь ойида SpaceX компанияси томонидан иккита Америка-Япония Ойга қўниш модули учирилганидан сўнг тортишиш кучи ва қуёш нурининг майин таъсири натижасида юз берди”, дейилади нашрда.
NASA ушбу тўқнашув Ер учун ҳеч қандай хавф туғдирмаслигини билдирмоқда, астрономлар эса тўқнашув оқибатида ҳосил бўлган эҳтимолий парчаларни ўрганиш учун ҳалокат жойини кўриш имкониятини кутмоқда. Баъзи олимлар эса инсоният коинот чиқиндиларининг тўпланиб қолишидан ва бундай тўқнашувлар коинотни келажакда ўзлаштиришга олиб келиши мумкин бўлган оқибатларидан хавотирга тушиши кераклигидан огоҳлантирмоқда.
