Бугун, 12 май куни Тошкент вилоятининг Ангрен шаҳрида юк автомобилида ёнғин келиб чиқди. Бу ҳақда вилоят Йўл ҳаракати хавфсизлиги бошқармаси хабар берди.
Маълум қилинишича, соат таҳминан 05:00 ларда Тошкент вилояти Ангрен шаҳри ҳудудидан ўтган А-373 “Тошкент-Ўш” автомобиль йўлининг 91-километрида 1985 йилда туғилган ҳайдовчи Isuzu русумли юк транспорт воситасини бошқариб кетаётган вақтида юкхонада ёнгин келиб чиққан ва автоулов қисман ёниб кетган.
Ушбу ёнғин оқибатида ҳаракат иштирокчиларининг соғлиғига зиён етмаган.
Билдирилишича, ҳозирда холат юзасидан Ангрен шаҳар ФВБ томонидан суриштирув ишлари олиб борилмоқда.
