Қорақалпоғистон Республикасининг Хўжайли туманида Газель машинаси ёниб кетди. Бу ҳақда Қорақалпоғистон Республикаси Фавқулодда вазиятлар бошқармаси хабар берди.
Маълим бўлишича, кеча 28 январь куни соат 21:04 да Хўжайли тумани “Боғмон” МФЙ Нукус-Хўжайли гузари йўлида ҳаракатсиз турган Газель русумли автомобилнинг мотор ва салон қисмида ёнғин келиб чиққан.
Ёнғин жойига Хўжайли тумани Фавқулодда вазиятлар бўлимидан 2 та ёнғин қутқарув экипажи етиб борган ва ёнғин ўчирилган.
Айни вақтда ёнғин сабаби ва зарари аниқланмоқда. Воқеа оқибатида ҳеч ким жароҳат олмаган.
