Тошкент вилояти ва пойтахтда ноқонуний валюта айирбошлаш билан шуғулланиб келган шахслар қўлга тушди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Тошкент вилояти ўтказилган тезкор тадбирда валюта айирбошлаш билан шуғулланиб келган Ш.X. фуқаро А.I.га 6 500 долларни 79,3 миллион сўмга сотган вақтида ушланиб, ундан 71,5 миллион сўм ва 700 доллар ашёвий далил сифатида олинган.
Чирчиқ шаҳридаги вазиятда фуқаро X.X. 5 000 долларни фуқаро Н.Ф.га 60,6 миллион сўмга сотган вақтида ашёвий далиллар билан ушланган.
Миробод туманида ўтказилган тезкор тадбирда ҳам ноқонуний валюта айирбошлаш билан шуғулланган С.О. ва Ш.А. фуқаро М.А.га 4 600 долларни 56,5 миллион сўмга сотган вақтида ушланиб, уларнинг машинасидан 466,2 миллион сўм, 1 156 доллар, 24 минг Россия рубльи, 810 евро, 160 фунт стерлинг, 10 минг қозоқ тенгеси ва 1,7 минг Тожикистон сомонийси ашёвий далил сифатида олинган.
Сергели туманида ҳам шу каби вазият кузатилиб, Ж.К. исмли шахс Н.Ж.га 4 300 долларни 52,6 миллион сўмга сотган вақтида қўлга тушган. Унинг ёнидан жами 4 327 доллар ва 13 миллион сўм топилган.
Аниқланган вазиятлар юзасидан Жиноят кодексининг валюта қимматликларини қонунга хилоф равишда олиш ёки ўтказишни назарда тутувчи моддаси билан иш очилиб, тергов ҳаракатлари ўтказилмоқда.
