Қорақалпоғистон Республикаси Нукус шаҳрида Фавқулодда вазиятлар бошқармаси (ФВБ) ғаввослари каналда чўкаётган одамни қутқариб қолди. Бу ҳақда Фавқулодда вазиятлар вазирлиги хабар берди.
Маълум бўлишича, бугун, 17 февраль куни соат 08:20 да Қорақалпоғистон Республикаси, Нукус шаҳри марказидан оқиб ўтувчи “Дўстлик” каналида бир фуқаро чўкаётгани тўғрисида шу ҳудуддан ўтиб кетаётган йўловчи томонидан ФВБга хабар берлиган.
Воқеа жойига зудлик билан етиб борган ФВБ ғаввос-қутқарувчилари фуқарони қутқарган ва дарҳол биринчи ёрдам кўрсатиб, ҳаётини сақлаб қолган. Шундан сўнг, тез тиббий ёрдам ходимларига чақирилиб, шифохонага етказилган.
Хабарда беморнинг аҳволи ҳақида маълумот берилмаган.
