Европа Комиссияси томонидан катта жаримага тортилгандан сўнг, АҚШнинг X микроблог платформаси Европа Иттифоқи ижроия идорасини унда реклама жойлаштириш имкониятидан маҳрум этди. Европа Комиссиясининг тегишли ҳисоби ўчириб ташлангани ҳақида 8 декабрь, душанба куни Илон Маскнинг ижтимоий тармоқ маҳсулотлари бўйича директори Никита Бир маълум қилди.
Унинг таъкидлашича, Европа Комиссияси ўз ҳисобида X га нисбатан 120 миллион евролик жарима ҳақидаги хабарининг рейтингини ошириш учун ижтимоий тармоқ қоидаларини бузган.
More stories“Унинг қамровини сунъий равишда кенгайтириш” мақсадида ҳаволани жойлаштириш фойдаланувчиларни чалғитади ва “буни видео деб ўйлашга мажбур қилади”, дея ёзди Бир.
Европа Комиссияси Хънинг “Рақамли хизматлар тўғрисида”ги Европа қонунига (Digital Services Act, DSA) номувофиқлиги учун жаримага тортилиши ҳақидаги постига фойдаланувчи босганда автоматик равишда Европа Комиссияси веб-сайтидаги тегишли мавзудаги матбуот баёноти саҳифасига йўналтирадиган видеони илова қилган. Реклама ҳисобини ўчириш Европа Комиссиясини нашрларни кўпроқ фойдаланувчиларга пуллик кўрсатиш орқали уларнинг қамровини кенгайтириш имкониятидан маҳрум этади.)
X учун Европа Комиссияси жаримаси
Бир неча кун олдин Европа Иттифоқи илк бор рақамли хизматлар тўғрисидаги қонун доирасида Америка технология компаниясига жарима солди ва Х’ни реклама ҳамда фойдаланувчи ҳисобларининг етарли даражада шаффоф эмаслиги учун жазолади.
“Мақсадимиз — рақамли қонунчилигимизга риоя этилишини таъминлашдир”, дея таъкидлади Европа Комиссиясининг технологик суверенитет ва хавфсизлик бўйича вице-раиси Хенна Вирккунен.
Таъкидланишича, X “кўк белги”ли тасдиқланган ҳисоблар учун ўз интерфейсини нотўғри ишлаб чиқади ва қўллайди. Натижада фойдаланувчилар профилларнинг ҳақиқийлиги ва у ерда эълон қилинган контентнинг ишончлилигига шубҳа қилишлари мумкин. Бундан ташқари, EК маълумотларига кўра, микроблоглар хизмати реклама шаффофлиги талабларига риоя қилмайди ва назорат органларига умумий фойдаланишдаги маълумотларга киришни таъминламайди.
Европа Комиссияси “кўк белги” билан боғлиқ қоидабузарликларни тузатиш чораларини кўриш учун Х’га 60 кун ва реклама шаффофлиги ҳамда маълумотларга киришни таъминлаш масалаларини ҳал қилиш учун 90 кун муҳлат берди. Илон Маск ушбу қарорни шарҳлаётиб, уни “бемаънилик” деб атади ва Европа Иттифоқини “тугатиш”га чақирди.
