YouTube’да Shorts видеоларини “ўчириб қўйиш” функцияси пайдо бўлди, деб ёзадиThe Verge. Нашрга кўра, Shorts видеолар YouTube’нинг бош саҳифасида ҳам кўрсатилмайди.
Shorts’ни томоша қилиш учун нолга тенг вақт чеклови қисқа видеоларни iOS ва Android иловаларидан “амалда” олиб ташлайди.
Shorts таймери функцияси дастлаб октябрь ойида эълон қилинган бўлиб, ундаги энг қисқа муддат 15 дақиқа этиб белгиланган эди. Январь ойида ота-оналар назорати доирасида кенгайтирилган тизим эндиликда барча фойдаланувчилар, жумладан, катталар аккаунтлари учун ҳам оммавий тарзда ишга туширилмоқда.
Чекловни ўрнатиш учун YouTube созламаларидаги “Вақтни бошқариш” бўлимига кириб, сўнгра “Кунлик чекловлар” ва “Shorts учун чекловлар” ёрлиқларини танлаш керак.
Фойдаланувчи нол дақиқалик лимитни ўрнатгач, Shorts бўлимида видеолар умуман кўрсатилмайди. Бунинг ўрнига экранда “Shorts тасмаси лимитига етдингиз” мазмунидаги билдиришнома пайдо бўлади. Синовларга кўра, бу созлама қисқа видеоларни илованинг асосий экранидан ҳам бутунлай яширади.
Ёшидан қатъи назар, бу лента айлантиришга камроқ вақт сарфлашни истаганлар учун қулай восита бўлиши мумкин.
