Бугун, 14 март куни Австралия мезбонлигида ўтаётган футбол бўйича аёллар ўртасидаги Осиё кубоги чорак финал учрашуви бўлиб ўтди. Унда Ўзбекистон терма жамоаси Жанубий Кореяга 0:6 ҳисобида мағлубиятга учради.
Жанубий кореялик қизлар дастлабки бўлимда икки бор ва иккинчи бўлимда тўрт бор Ўзбекистон терма жамоаси дарвозасини ишғол қилди. Оқибатда Котрина Калбайте шогирдлари йирик 0:6 ҳисобида имкониятни қўлдан бой берди.
Ушбу учрашувга Жаҳон чемпионати йўлланмаси қўйилган эди. Натижада Жанубий Корея аёллар терма жамоаси 2027 йилги Бразилияда бўлиб ўтадиган мундиалга тўғридан тўри йўлланмани қўлга киритди.
Эндиликда Ўзбекистон Жаҳон чемпионатига йўлланмани қўлга киритиш учун чорак финалнинг бошқа бир жуфтлигида мағлуб бўлган иштирокчи билан кураш олиб боради.
