Жорий йил февраль охирида Эронга ҳужум бошланганидан бери жами 18 нафар Исроил фуқароси ҳалок бўлган. Бу ҳақда Исроил Миллий хавфсизлик тадқиқотлари институти хабар қилди.
Исроил Соғлиқни сақлаш вазирлиги кеча, 23 март куни ўтган ойнинг охиридан бошланган Эрон ракета ҳужумлари натижасида 4713 киши жароҳат олганини маълум қилган. Вазирлик баёнотига кўра, ҳозирда 123 киши шифохонада даволанмоқда, улардан 15 нафари оғир аҳволда. Шунингдек, вазирлик сўнгги 24 соат ичида уруш оқибатида 153 киши жароҳат олганини, улардан 2 нафари оғир аҳволда эканини қўшимча қилган.
Минтақадаги кескинлик 28 февралда АҚШ ва Исроил Эрон билан қўшма ҳарбий амалиётни бошлаганидан бери ортиб бормоқда. Ушбу уруш оқибатида ҳозиргача Эронда 1340 дан ортиқ одам ҳалок бўлган.
