Ўзбекистонда аҳоли орасида экологик маданиятни ошириш учун “10 минг қадам пиёда” ташаббуси тикланади. Бу ҳақда Президент матбуот хизмати хабар берди.
23 март куни Шавкат Мирзиёев экология ва атроф-муҳитни муҳофаза қилиш соҳасида 2026-2030 йилларга мўлжалланган устувор умуммиллий лойиҳалар тақдимоти билан танишганди. Тақдимотда 2022 йилда тугатилган “10 минг қадам пиёда” ташаббуси тикланиши, “Соғлом турмуш тарзи” платформаси — “1hls” ишга туширилиши маълум қилинди.
Шунингдек, 2026/2027 ўқув йилидан бошлаб 14 та ҳудудда “яшил техникумлар” ташкил этилиб, улар Green University тизимига академик ҳамкорлик асосида бириктирилиши белгиланди. Самарқанд шаҳрида GEF-8 ассамблеяси ва Ecо Expo Central Аsiа 2026 халқаро кўргазмаси ўтказилади.
