Тошкент шаҳрининг Миробод туманидаги янги қурилаётган бинода ёнғин содир бўлди. Бу ҳақда пойтахт Фавқулодда вазиятлар бош бошқармаси хабар берди.
Маълум қилинишича, ҳодиса бугун, 12 август куни соат 08:57 да Миробод тумани Амир Темур шоҳ кўчасида содир бўлган. Қайд этилишича, мазкур ҳудудда жойлашган янги қурилаётган бинода қурилиш материаллари ёнаётганлиги тўғрисида Тошкент шаҳар ФВББга хабар келиб тушган.
Хабарга асосан, соат 09:05 да қутқарув экипажлари ҳодиса жойига етиб борган ҳамда ёнғин соат 09:09 да қуршаб олиниб, соат 09:10 да ўчирилган.
Билдирилишича, ҳодиса оқибатида тан жароҳати олганлар йўқ. Ҳозирда ёнғин сабаби ва етказилган зарар миқдори аниқланмоқда.
