Дунёда олтин нархи арзонлашгани фонида Ўзбекистонда олтин қуймалар нархи пасайди.
Марказий банк маълумотларига кўра, 24 март куни бир грамм олтин нархи 1 801 200 сўмни ташкил этди. 5 граммли олтин қуйма нархи 9 миллион сўмгача тушди.
Олтин қуймалар нархи қуйидагича белгиланди:
- 5 грамм — 9 млн 6 минг сўм;
- 10 грамм — 18 млн 13 минг сўм;
- 20 грамм — 36 млн 26 минг сўм;
- 50 грамм — 90 млн 63 минг сўм;
- 100 грамм — 180 млн 126 минг сўм.
Олтин қуймаларни уни қайтариб олиш нархлари қадоғи бутлиги ёки бузилганига (техник талабларга мос келмайдиган ҳолатда бўлганига) кўра қуйидагича белгиланди:
26 январда 5 граммли олтин қуйма нархи биринчи марта 10 миллион сўмдан кўтарилганди. 29 январда эса қуймалар нархи кетма-кет саккизинчи кун рекорд ўрнатиб, 5 граммлиси биринчи марта 10,8 миллион сўмдан ошганди. Шундан сўнг қуймалар нархи пасайиб борди.
23 март куни Comex биржасида олтин фьючерслари нархи 2025 йил 9 декабрдан бери илк марта бир унцияси учун 4,2 минг доллардан пастлади. 24 март ҳолатига кўра, бир унция учун 4,3 минг долларни ташкил этди.
