Бугун, 24 март куни Ўзбекистонда хизмат кўрсатган артист Ойша Жўраева 79 ёшида вафот этди. Бу ҳақда актрисанинг невараси Гулсанам Абдулоҳунова маълумот берди.
Таниқли ўзбек актрисаси 1947 йилнинг 24 март кунида Қирғизистоннинг Жалолобод вилоятида дунёга келган. Актриса сифатида Ойша Жўраева ижросида яратилган образлар табиийлиги билан ажралиб туради. Шу орқали у томошабинлар қалбидан жой олишга муваффақ бўлган.
У ўз фаолияти давомида “Мерос”, “Жумбоқ”, “Толиққан кўнгиллар”, “Армонли дунё”, “Бурч”, “Жасур”, “Нариги соҳилда қолган болалик”, “Сув ёқалаб”, “Майсаранинг иши”, “Қабрдаги хазина” ва бошқа фильмларда роль ижро этган ва халққа танилган.
