More stories
Саудия Арабистони подшоҳлиги Саад бин Носир бин Абдуллоҳ Абу Ҳаймедни Ўзбекистондаги янги элчи этиб тайинлади. Бу ҳақда Ташқи ишлар вазирлиги ахборот хизмати хабар берди.
Қайд этилишича, вазир Бахтиёр Саидов 24 январь куни дипломатик миссиянинг янги раҳбари билан учрашув ўтказди. Унда мамлакатлар ўртасидаги муносабатлар кўплаб соҳаларда жадал ривожланиб бораётгани таъкидланди.
Учрашувда савдо, инвестициялар, энергетика ҳамда маданий алмашинув йўналишларини ўз ичига олган ҳолда ўзаро манфаатли ҳамкорликни янада кенгайтиришнинг ҳозирги устувор йўналишлари ва истиқболларини муҳокама қилинди.
“Элчи жанобларига мамлакатимиздаги фаолияти давомида муваффақиятлар тилаймиз”, деб ёзди Саидов ўзининг Telegram каналида.
