Биткоин нархи 13 ноябрь куни кечқурун 99 минг доллардан пастга тушиб кетди. Криптокомпаниялар акциялари ҳам пасайишда давом этмоқда.
Маълумотларга кўра, биткоин курси 98 900 долларгача пасайган. Бу сўнгги ҳафталарда илк бор 100 минг доллардан пастга тушишдир. Bitcoin бир суткада қарийб 5 фоиз қийматини йўқотган, савдо ҳажми эса сезиларли ошган. Бу бозорга сотувчилар босими кучайганидан дарак беради.
Cоinglass маълумотларига кўра, сўнгги 24 соат ичида криптобиржалардаги умумий ликвидациялар 463 миллион долларга етган. Шундан 342 миллион доллари нарх ошади, деб тикилган позицияларга тўғри келади. Курснинг пасайишига бир нечта омиллар таъсир қилган:
- институционал фондларнинг фойдани фиксация қилиши
- биткоин спот ETF’ларига кираётган маблағлар камайиши,
- АҚШ долларининг мустаҳкамланиши.
Биткоиннинг пасайиши бошқа криптоактивларга ҳам таъсир қилди. Ethereum ва Solana каби йирик криптовалюталар тахминан 6 фоизга арзонлашди, криптовалюта компаниялари аксиялари ҳам қадрсизланяпти. Технология компаниялари устунлик қиладиган Nasdaq индекси эълон вақтида 2,45 фоизга, S&R 500 esa 1,56 foizga tushgan.
