More stories
Россиянинг Ульяновск вилоятида Челябинск-Москва поезди ҳалокатга учради. Бу ҳақда вилоят губернатори Алехей Русксих ўзининг Telegram-каналида ёзиб қолдирди.
Маълум қилинишича, губернатор воқеа жойига бориб, вазиятни шахсан ўзи ўрганмоқда.
Воқеа эрталаб соат 06:26 да Москва вақти билан Бряндино станцияси яқинида содир бўлган. Поезд 415 йўловчи билан ҳаракатланаётган бўлиб, 15 вагоннинг 7 таси рельслардан чиқиб кетган, уларнинг бир қисми ағдарилган.
Губернаторнинг хабар беришича, ҳодиса сабабларини аниқлаш ишлари давом этмоқда, шунингдек, тез тиббий ёрдам ва фалокат тиббиёти бригадалари воқеа жойига етказилган.
Ҳозирча жабрланганлар сони аниқланмоқда ва темир йўл ҳаракати вақтинча тўхтатилган. Қурбонлар ҳақида эса хабар тушмаган.
