Боливияда собиқ президент Луис Арсе коррупция бўйича тергов доирасида ҳибсга олинди. Бу ҳақда Al Jazeera хабар берди.
Арсе давлат маблағларини талон-торож қилишда айбланмоқда. Унга нисбатан хизмат вазифасини суиистеъмол қилиш ва молиявий қонунбузарлик бўйича айблов қўйилган. Тергов Арсенининг 2006–2019-йилларда собиқ президент Эво Моралес ҳукуматида иқтисодиёт вазири бўлиб ишлаган даврига тааллуқли.
Коррупцияга қарши курашувчи махсус полиция бўлинмаси Арсенинг пойтахт Ла Пас шаҳридаги бўлинма биносида ҳибсда эканини тасдиқлади.
More stories“Бу ҳукуматнинг коррупцияга қарши курашиш бўйича қарори ва биз ушбу йирик талон-торожлик учун масъул бўлганларнинг барчасини ҳибсга оламиз”, деди ҳукуматдаги юқори лавозимли амалдор Марко Антонио Овиэдо.
Айбловлар
Расмийлар Арсе ва бошқа амалдорларни туб аҳоли ва деҳқонларни қўллаб-қувватлашга мўлжалланган давлат жамғармасидан тахминан 700 миллион доллар маблағни ўзлаштиришда айблаган. 2006-йилдан 2017-йилгача Маҳаллий деҳқонларни ривожлантириш жамғармаси директорлар кенгашида ишлаган Арсе қишлоқ жойларида ижтимоий ривожланиш лойиҳаларига маблағ ажратишга масъул эди.
Ўша пайтда расмийлар Арсе бу пулларнинг бир қисмини шахсий харажатлари учун ўзлаштирганини даъво қилмоқда.
“Арсе ушбу иқтисодий зарар учун асосий жавобгар шахс сифатида қайд этилди”, деди Овиэдо.
Боливия бош прокурори Рожер Мариаканинг айтишича, Арсе полиция сўрови вақтида сукут сақлаш ҳуқуқидан фойдаланган. У тун бўйи ҳибсда қолади, эртаси куни судга олиб борилиб, тергов давомида қамоқда қоладими-йўқми, судья ҳал қилади. Арсега қўйилган айбловлар энг кўпи билан олти йилгача озодликдан маҳрум этиш жазосини назарда тутади.
