Ўзбекистон терма жамоаси собиқ бош мураббий Темур Кападзе фаолиятини Қозоғистонда давом эттириши мумкин. Бу ҳақда журналист Александр Троицкийга таяниб, “Vesti.kz” нашри хабар берди.
“Бу кутилган ҳолат. Темур Тохирович Каннаваро штабида иккинчи даражали ролга рози бўлмайди. Александр Дюманинг асаридаги машҳур қаҳрамон айтгандек: ‘Атос учун бу жуда кўп, аммо граф де Ла Фер учун эса жуда оз’. Ишончим комил, Кападзе узоқ вақт ишссиз қолмайди. Айтишларича, унга Ўзбекистон, Қозоғистон ва яна бир нечта мамлакатлардан таклифлар бор”, деб ёзади журналист ўз Telegram каналида.
Эслатиб ўтамиз, Тимур Кападзе 2025 йил январь ойида словения мутахассиси Сречко Катанец ўрнига Ўзбекистон терма жамоаси бош мураббийи этиб тайинланган эди. Унинг қўл остида жамоа тарихда илк бор Жаҳон чемпионати йўлланмасини қўлга киритди.
Октябрь ойида терма жамоа бош мураббийлик ролига италиялик Фабио Каннаваро келд, Кападзе эса унинг ёрдамчиси сифатида фаолиятини давом эттирди. 9 октябрь, якшанба куни Ўзбекистон футбол ассоциацияси Кападзе фаолиятини янги босқичда давом эттириш ниятида раҳбариятдан истеъфо сўрадани, ассоциаця эса унинг талабларини қаноатлантиргани ҳақида хабар берган эди.
Маълумот учун, Темур Кападзе қозоғистонлик футбол мухлислари учун бегона эмас. Сабаби 44 ёшли мутахассис 2012–2014-йиллар оралиғида “Актобе” клуби сафида ўйнаган.
