Россия футбол иттифоқи (РФС) 2026 йилда ўтказиладиган футбол бўйича Жаҳон чемпионати пайтида унда иштирок этмайдиган давлатлар ўртасида муқобил Жаҳон чемпионатини ташкил қилмоқчи. Бу ҳақда “РИА Новости” хабар берди.
Маълум қилинишича, РФУ 2026 йилнинг ёзида АҚШ, Канада ва Мексикада бўлиб ўтадиган FIFA Жаҳон чемпионатига йўлланма ололмаган миллий жамоаларни алоҳида турнирда иштирок этишга жалб қилишни режалаштирмоқда.
Шунингдек, РФУ бу қарори билан FIFA Конгрессига босим ўтказиб, Россия терма жамоасига қўйилган санкцияларни бекор қилишга ва мамлакатнинг 2030 йилги жаҳон чемпионати саралаш жараёнига қайтишига эришмоқчи.
Маълумот учун, Россия терма жамоаларини 2022 йил февраль ойида FIFA ва UEFA’нинг барча расмий мусобақаларидан четлаштирилган эди. Натижада Россия терма жамоаси 2022 йилги Жаҳон чемпионати саралашидан ҳамда Euro-2024 мусобақасидан четлатилган ва 2026 йилги мундиалда ҳам қатнаша олмайди.
