Бухоро вилоятининг Шофиркон туманида 26 ёшли эркак ўз уйида фоҳишахона ташкил қилгани учун қўлга олинди.
Тезкор тадбир вақтида у танишларига уйидаги хонани 200 минг сўмга бергани аниқланган. Эркак судда қилган ишидан пушаймонлигини билдириб, айбини тўлиқ тан олган.
Жиноят ишлари бўйича Шофиркон туман суди уни Жиноят кодексининг 131-моддаси (қўшмачилик қилиш ёки фоҳишахона сақлаш) бўйича айбли деб топган.
Ҳукмга кўра, унга 2 йил 6 ой озодликни чеклаш жазоси тайинланган. Суд жараёнида олинган 200 минг сўм далил сифатида давлат ҳисобига ўтказилган.
Судда айбланувчининг ҳолати енгиллаштирувчи омиллар сифатида пушаймонлиги эътироф этилган.
