Ўзбекистонда кузатилаётган аномал иссиқ ҳаво сабаб айрим ҳудудларда йўл қопламасини асраш мақсадида оғир юк транспортлари ҳаракатига вақтинчалик чекловлар жорий этилмоқда.
Хусусан, Сурхондарё вилоятида соат 10:00 дан 19:00 гача юк автомобилларининг ҳаракатланиши чекланди.
Мутасаддиларнинг таъкидлашича, ҳаво ҳарорати кескин ошган пайтда асфальт қопламаси юмшаб, оғир транспорт воситалари таъсирида деформацияга учраши, ёриқлар ва чўкишлар ҳосил бўлиши мумкин.
Мазкур чора йўл инфратузилмасини сақлаш, қопламанинг эрта емирилишининг олдини олиш ҳамда ҳаракат хавфсизлигини таъминлаш мақсадида амалга оширилмоқда.
