Бугун, 22 апрель куни Президент Шавкат Мирзиёев иштирокида Остонада Минтақавий экологик саммит тадбирлари бошланди. Бу ҳақда Президент матбуот хизмати хабар берди.
Халқаро кўргазмалар марказида давлат раҳбарини Қозоғистон Президенти Қосим-Жомарт Тўқаев кутиб олган.
Шунингдек, делегациялар раҳбарлари миллий павилонлар кўргазмаси билан танишган.
Қайд этилишича, бўлажак тадбирлар давомида Марказий Осиёнинг барқарор тараққиёти йўлида минтақавий ҳамкорликни мустаҳкамлаш, минтақанинг долзарб экологик, иқлим ва сув муаммоларини ҳал этиш масалалари муҳокама қилинади.
Саммитлар якунида қатор муҳим ҳужжатлар қабул қилиниши кутилмоқда.
