Мексиканинг Косумел оролидаги митти енотлар қоғоз ва қумдан мустақил равишда тўп ясашни ўрганишди, сўнгра буни бошқа енотларга ўргата бошлашди. Буни илк марта Огайодаги Маями университети тадқиқотчиси Несси Нил пайқагани айтилмоқда.
Нил туризмнинг енотларга таъсирини ўрганиш билан шуғулланади. Кунларнинг бирида у ёш енот чиқинди қутисидан қоғоз олиб, уни сувли идишга ботирганини, сўнгра қум устидан айлантириб, шар шаклига келтирганини видеога олди. Кейинги бир неча кун давомида Нил енотлар қандай қилиб шу каби тўпларни ясашда давом этаётганини ва улар билан футбол ўйинларига ўхшаш мусобақалар ташкил қилаётганини кузатди. Ўйинларга бошқа енотлар ҳам қўшилишди.
Тадқиқотчи кейинги кунларда митти енотлар ўйинчоқ ясашни бир-бирларидан ўрганишаётганини пайқади. Улар ҳатто буни оналарига ҳам ўргатишга уринишди, бироқ она енот уларнинг ҳаракатларини такрорлай олмади.
Маями университетининг яна бир тадқиқотчиси Мишел Шидловски олимлар кўпинча шимпанзе, йўлбарс ва бошқа ҳайвонларнинг ўйинларини кузатишганини таъкидлади. Бироқ ҳайвонларнинг мақсадли равишда ўйинчоқ ясаш ҳолатлари анча кам учрайди. Эндиликда тадқиқотчилар енотлар ушбу кўникмани кейинги авлодларга ҳам ўтказиш-ўтказмаслигини аниқлашни режалаштирмоқда.
Маълумот учунб кичик енотлар фақат Косумел оролида яшайди ва йўқолиб кетиш арафасида турибди. Табиатда уларнинг 200 дан камроқ тури қолган.
