Россия АҚШинг душманона ҳаракатларига қарамай, Вашингтон билан муносабатларни яхшилашга тайёр. Бу ҳақда Россия президентининг матбуот котиби Дмитрий Песков 27 октябрь куни маълум қилди.
“Бу жараён бизга қарши қабул қилинган ҳаракатлар сабаб мураккаблашган. Шунга қарамай, биз ўз манфаатларимиз йўлида муносабатларни яхшилаш тарафдоримиз”, деган Песков.
Унга кўра, Москва Вашингтон билан мулоқотда аввало ўз миллий манфаатларидан келиб чиқиб, ҳаракат қилади.
“Бу илгари ҳам шундай бўлган, ҳозир ҳам шундай, келажакда ҳам шундай бўлади”, деган у.
Амалдаги АҚШ раҳбари Дональд Трамп президентлик лавозимига киришганидан бери Москва ва Вашингтон икки томонлама муносабатларни нормаллаштириш устида ишламоқда. Бироқ ўтган ҳафта Қўшма Штатлар Россия нефть саноатига катта санкийга жорий этган. Бу, таъкидланишича, Россия-Украина урушини тугатиш учун амалга оширилмоқда. Бу эса икки давлат ўртасидаги муносабатларни янада кескинлаштирган.
