Россия АҚШ воситачилигида эришилган вақтинчалик сулҳ якунланганидан бир неча соат ўтиб, Украинага ҳужум бошлади. Бу ҳақда “Deutsche Welle” хабар берди.
Россия томонидан уюштирилган ҳужумларда дронлар ва артиллериядан фойдаланилгани айтилмоқда. Зарбалар натижасида Киев, Днепр, Харков, Ҳерсон ҳамда Запорожье ҳудудларида портлашлар ва ёнғинлар юзага келган.
Украина ҳаво кучлари маълумотига кўра, ҳужумлар оқибатида фуқаролик инфратузилмасига зарар етган. Днепр вилоятида бир киши ҳалок бўлган, яна бир неча киши жароҳатланган.Киевнинг Оболон туманида дрон қолдиқлари 16 қаватли турар жой биноси томига тушиб, ёнғин юзага келган. Киев шаҳри мэри Витали Клитсчконинг маълум қилишича, ёнғин тезда ўчирилган ва ҳодисада жабрланганлар бўлмаган.
Киев вилоятининг Фастив туманида эса болалар боғчаси шикастланган, том қисми ёниб кетган. Яқин атрофдаги турар жойлар ва хусусий уйлар ҳам зарар кўрган. Днепр шаҳрига уюштирилган ҳужумда 33 ёшли эркак жароҳатланиб, шифохонага ётқизилган. Маҳаллий расмийларга кўра, шаҳарда транспорт инфратузилмасига ҳам зарар етган.
