“АҚШ 7 дақиқада Россияга етиб борадиган ракеталарини Европага жойлаштирмоқчи” — Белоусов

Россия президенти Владимир Путин АҚШ 6–7 дақиқа ичида Россияга етиб борадиган ракеталарни Европага жойлаштиришни режалаштираётгани ҳақида маълумот олди. Бу ҳақда “РИА Новости” хабар берди.

Мудофаа вазири Андрей Белоусов Хавфсизлик кенгашининг тезкор йиғилишида мазкур ракеталар ҳақида маълумот берган. Унинг сўзларига кўра, АҚШ Европа ва Осиё–Тинч океани минтақасида 5,5 минг километргача уча оладиган Dark Eagle ракета тизимларини жойлаштирмоқчи.

More stories

Дунё океанларидаги танкерларда миллиард баррел нефть қолиб кетди — Bloomberg

13 ноября 16:48

Россия ва Эрон Starlink’ни халқаро ҳуқуқни бузишда айблади

11 февраля 15:42

АҚШ Конгресси Эпштейн иши бўйича яширилган материаллар юзасидан тергов бошлади

27 февраля 09:39

АҚШ ҳарбийлари Эквадорда терроризм ва наркотик тармоқларига қарши операция бошлади

4 марта 10:56

“Бу ҳолда Германиядан Россия марказигача учиш вақти тахминан олти–етти дақиқани ташкил этади”, деган Белоусов.

У, шунингдек, Путинга АҚШда 13 минг километргача масофага уча оладиган янги Sentinel қитъалараро баллистик ракетаси, Колумбия типидаги стратегик атом сув ости кемаси ва Б-21 Раидер оғир бомбардимончи самолёти устида иш олиб борилаётгани ҳақида маълумот берган.

Путин 26 октябрь куни “Буревестник” қанотли ракетасининг синовлари якунлангани ва уни жойлаштириш ишлари бошланганини эълон қилган эди. Орадан кўп ўтмай, у “Посейдон” ядровий торпедасининг ҳам синовдан ўтказилганини айтди.

АҚШ президенти Дональд Трамп эса Путиннинг баёнотларига жавобан АҚШнинг Россия қирғоқлари яқинида атом сув ости кемаси борлигини эслатди. 30 октябрь куни у 33 йиллик танаффусдан сўнг биринчи ядровий қурол синовларини бошлашга буйруқ берди.

Кейинроқ Трамп синовлар ер ости портлашларини ўз ичига оладими-йўқми, аниқлик киритмади. У Россия ва Хитой ҳам ядровий синовлар ўтказаётганини қайд этди.

5 ноябрь куни АҚШ Космик кучлари Minuteman III қитъалараро баллистик ракетасини синовдан ўтказди. Синов тизимнинг ишончлилиги, жанговар тайёргарлиги ва аниқлигини баҳолашни ўз ичига олган. Каллаксиз ракета Калифорниядаги Ванденберг авиабазасидан учирилган ва Кважалейн атоллидаги Роналд Рейган полигонигача тахминан 4200 мил масофани босиб ўтган.

Худди шу куни Путин Ташқи ишлар вазирлиги, Мудофаа вазирлиги, махсус хизматлар ва фуқаролик идораларига ядровий синовларга эҳтимолий тайёргарлик бўйича таклифлар тайёрлашни топширди. У бу қарорни Трампнинг АҚШ ядровий синовларини қайта бошлаш ҳақидаги буйруғи билан изоҳлади.