Хитой астронавтлари “Тиангонг” космик станциясида ўрнатилган печ ёрдамида товуқ қанотлари ва барбекю пиширди. Бу ҳақда Global Times хабар берди.
Янги технологиялар туфайли печ тутунсиз пишириш имконини берган. Таомлар “Шенчжоу-20” ва “Шенчжоу-21” миссиялари экипаж аъзолари томонидан тайёрланган. Мутахассислар иситиш тизими самарадорлигини оширувчи технологияни такомиллаштирган. Бу эса таомни тезроқ пишириш имконини берган. Натижада космонавтлар товуқ қанотчаларини атиги 28 дақиқада пиширишга муваффақ бўлган.
2020 йилда Халқаро космик станцияда NanoRacks ва Zero G Kitchen компаниялари томонидан ишлаб чиқилган космик печ прототипи синовдан ўтказилганди. Тажриба давомида астронавтлар шоколадли беш дона печенье пиширган.
Дастлаб 25 дақиқа давомида пиширилган печенье хом бўлиб чиққан, аммо пишириш вақти 75–130 дақиқагача узайтирилгач, натижалар анча яхшиланган. 130 дақиқа пиширилиб, яна ўн дақиқа совИтилган вариант энг муваффақиятли деб топилган.
