Ўзбекистонда қуёш ва шамол энергияси ишлаб чиқариш ҳажми икки бараварга ошди. Бу ҳақда Энергетика вазирлиги матбуот хизмати хабар берди.
2025 йил якунига кўра, мамлакатда электр энергияси ишлаб чиқарилиши 6,38 фоизга ошди — 81,5 млрд кВт соатдан 86,7 млрд кВт соатгача кўтарилди. Ўсиш сурати 6 фоизни ташкил этди. Шу билан бирга, истеъмолчиларга электр энергияси етказиб бериш 14 фоизга ўсиб, 77 млрд кВт соатдан ошди.
Аҳоли ўртасида истеъмолчилар сони 8,21 млн кишига (+3,2 фоиз), бизнес ўртасида эса 519,7 минг юридик шахсга (+7,4 фоиз) етди.
Гидроэнергетикани ҳисобга олган ҳолда “яшил” генерация ҳажми 16,8 млрд кВт соатни ташкил этди — бу ўтган йилга нисбатан 29 фоизга кўп. Фото, шамол ва гидроэлектр станциялари мамлакатдаги барча электр энергияси ишлаб чиқаришнинг тахминан 20 фоизини таъминлайди.
Қуёш ва шамол электр станциялари ишлаб чиқариши 2,1 баробарга ошди ва биринчи марта 10,5 млрд кВт соатдан ошди.
- 2022-йилда — 434 млн кВт соат
- 2023-йилда — 576,9 млн кВт соат
- 2924-йилда 4,8 млрд кВт соат бўлган.
Қайта тикланувчи энергия манбалари туфайли Ўзбекистон 3,2 млрд куб метр табиий газни иқтисод қилди. Шунингдек, атмосферага 4,7 млн тонна зарарли моддалар чиқишининг олди олинди.
Бугунги кунда жами 148 та электр станция мавжуд — 25 797 МВт.
Шундан:
- ИЭС/ИЭМлар – 17 551 МВт;
- ГЭСлар – 2 441 МВт;
- ҚФЕС – 3 930 МВт;
- ШЕС – 1652 МВт;
- блокстансиялар – 223 МВт.
Қурилиши бошланган лойиҳалар: 3 508 МВт, 21 та лойиҳа:
- қуёш – 475 МВт, жами 4 та;
- шамол – 2 300 МВт, жами 2 та;
- батарея – 675 МВт, 5 та;
- когенерация – 58 МВт, жами 2 та;
- подстансиялар – 160 МВА, жами 2 та;
- электр тармоқлар – 2050 км;
- газ тармоғи – 285 км.
Илк миллий ГЭС — Уйчи туманида 38 МВт қувватли ГЭС тўлиқ маҳаллий маҳсулотлардан фойдаланган ҳолда ишга туширилди.
Ўзбекистонда 2025-йилда “яшил” энергия улуши 30 фоизга етказилди. Буни 2030-йилга келиб 54 фоизгача ошириш кўзланган.
