Бугун, 26 март куни Беларусь президенти Александр Лукашенко КХДРга ташрифи доирасида мамлакат етакчиси Ким Чен Инга ўз мамлакатида ишлаб чиқарилган автоматни совға қилди. Совға алмашиш лавҳаларини Беларуснинг “Пул первого” канали эълон қилди.
Беларусь президенти Ким Чен Инга Калашников автомат базасида ишлаб чиқарилаётган қуролни совға қилган.
“Мана, биз ўқотар қуроллар ишлаб чиқаришни бошладик”, дейди Лукашенко.
Ким Чен Иннинг қуролни ушлашини, хусусан, “затвор” рамасини орқага тортганини кузатар экан, Лукашенко “ҳаммаси тўғри. Қуролни ишлатишни билади”, дея қайд этган.
“Ҳар эҳтимолга қарши, мабодо душманлар пайдо бўлиб қолса”, дейди Лукашенко совғани топшириш вақтида.
КХДР етакчиси эса Лукашенкога совға сифатида анъанавий қилич ва Беларусь резиденти тасвири туширилган кўзани топширган. Эълон қилинган видеода таржимон Лукашенкога кўза чиғаноқлар билан безатилганини айтаётгани акс этган.
“Бизда қурол учун пул бериш одат тусига кирган”, дейди Лукашенко ва Ким Чен Инга ичида танга бўлган қутичани узатган.
