Россиянинг “Орешник” ракета мажмуаси декабрь ойида Беларусьда жанговар навбатчиликка қўйилади. Бу ҳақда Беларусь раҳбари Александр Лукашенконинг матбуот котиби Наталя Эйсмонт маълум қилди.
Унинг сўзларига кўра, Беларусь ҳудудида “Орешник”ни жойлаштириш учун шароит яратиш жараёни тугамоқда.
More stories“Жорий йилнинг декабрь ойида у жанговар навбатчиликка қўйилади, шунинг учун “Орешник” бўлиши ёки бўлмаслиги ҳақидаги барча гаплар шу билан тугайди”, деди дея Наталя Эйсмонт
Лукашенко ушбу қуролнинг Беларусда жойлаштирилиши агрессия эмаслигини, балки “минтақадаги вазиятнинг кескинлашуви ва замонавий таҳдидларга жавоб чораси” эканини айтган.
“Биз ҳеч кимга таҳдид қилмаймиз, фақат ўз хавфсизлигимизни таъминлаймиз. Бундан ташқари, конструктив мулоқот ва кескинликни камайтириш бўйича ўзаро қадамлар учун доимо очиқмиз”, деган Беларусь раҳбари.
Таъкидланишича, агар Европа давлатлари янги ракета мажмуаларини жойлаштиришдан бош тортса, “Орешник”ни жойлаштириш ҳам тўхтатилиши мумкин.
Россия армиясига аллақачон биринчи сериявий ракета мажмуаси етказиб берилди
Россия президенти Владимир Путин 1 август куни Валаам оролида Лукашенко билан учрашувда мамлакатда ўрта масофага мўлжалланган “Орешник” номли биринчи сериявий ракета мажмуаси ишлаб чиқилгани ва у илгари Россиянинг Украина билан урушида қўлланилгани айтди. Путиннинг сўзларига кўра, бу мажмуалардан яна бири Беларусга юборилиши режалаштирилган.
12–16 сентябрь кунлари Беларусь ҳудудида Россия ва Беларуснинг қўшма стратегик “Ғарб-2025” ўқув машғулотлари ўтказилган. Машғулотлар давомида, хусусан, ядро каллак ўрнатилиши мумкин бўлган “Орешник” баллистик ракетасидан фойдаланиш сценарийлари ишлаб чиқилган.
